Breaking News
Loading...

संचारकर्मी हरि पोख्रेलको कालो कर्तुत

२९ जेठ,काठमाण्डौ
संचारकर्मी हरि पोख्रेलको कालो कर्तुत छताछुल्ल हुने गरी पोखिएको छ । टेलिभिजन कार्यक्रमको नाममा उनले दर्जनौ युवतीहरुलाई फसाएर यौन प्यास मेट्ने गरेको र युवतीको जीवनमा खेलबाड गरेको तथ्य केहि समय अघि सार्बजनिक भएको छ ।hari pokhrel fbउनले कार्यक्रमका नाममा टिनेजर १६,१७ वर्षका युवतीलाई ललाई फकाई, पिट्दै लघार्दै यौन पिपासुले भोको यौनको खेलौना बनाएको भनि पछिल्लो समय संचारमाध्यममा सनसनी पूर्ण खबर मच्चिएको छ । टेलिभिजन कार्यक्रम प्रस्तोता हरि पोख्रेलको वास्तविक रुप यस्तो छ ।

पीडित युवती र अभिभावकले पटक–पटक उजुर गरी प्रहरीले हिरासतमा राख्दै छाड्दै गर्दा पनि ठूला मिडियाले हरिलाई संरक्षण गरिरहनुपर्ने कारण के त? हो यस्तै साबित भयो हरि पोखरेललाई । कान्तिपुर टेलिभिजन र महानायक राजेश हमालको समेत नाम भजाउने हरि पोखरेलले इन्दु अधिकारी र ईशानी रौनियारको जीवन खेलबाड गरे, उपयोग गरे ।
नौ कक्षामा पढ्दै गरेकी इन्दुलाई ललाइफकाई भगाए
पोखरेलले नौ कक्षामा पढ्दै गरेकी इन्दुलाई ललाइफकाई भगाए । अहिले उनीतर्फबाट एक छोरा छ । इन्दुको नागरिकता हरिकै थर जोडिएर बन्यो । यही जेठ १३ गते उनीहरू बसेकै कोठाबाट सपना ढकालसँग रंगेहात प्रहरीले राति १० बजे समात्यो । इन्दु माइतीतिर गएका बेला कोठामा सपनासँग एउटै कोठा र ओछ्यानमा बसेका हरि उपर बहुविवाहको उजुरी पर्यो तर स्वयम्भु प्रहरीले १४ गते बिहानै सपनालाई बाबुआमा बोलाएर नभई हरिकै जिम्मा लगाएर छाड्यो ।

गत फागुन २६ गते मदिराले लठ्ठ भएर नयाँबजारस्थित कोठामा गएका हरिले श्रीमती इन्दुलाई पिट्नु सम्म पिटे । एसएलसीमाथि पढ्न नसकेका हरिले उनका सबै दुर्व्यवहार र पिटाई सहँदै स्नातकोत्तर गरिसकेकी श्रीमतीलाई प्रायः गर्ने कुटपिटबाट आत्तिएका छिमेकीले पाँचवर्षे छोरा र श्रीमतीको रुवाबासी सुन्न नसकी प्रहरीलाई खबर गरिदिए ।

चलाख हरिले प्रहरीलाई घरभित्रको मामला भनी फर्काइदियो । यो घटनाबाट दिक्क भएका दाजुले श्रीमतीलाई हरिकोमै बस्न पठाइदिए । प्रहरी फर्कनासाथ उनले फेरि श्रीमती र छोरालाई भकुरेर आफू ठूलो दादा भएको बताए । भाउजूले जति कोसिस गरे पनि रोक्न नसकेपछि राति १० बजे आफ्नै कोठामा गइन् । केही क्षणपछि उनी त्यहीँ पुगे र बबाल मच्चाउन थाले । त्यहीँ पनि फेरि श्रीमतीलाई पिट्न थालेपछि छिमेकीले प्रहरीलाई खबर गरे । प्रहरी आउनासाथ उनी त्यहाँबाट भागे ।hari pokhrel paper news fbक्विज कार्यक्रममा भाग लिन आएकी ईशानीसँग मायाको नाटक
त्यसअघि कान्तिपुरमै सञ्चालित क्विज कार्यक्रममा भाग लिन आएकी ईशानीसँग कार्यालयको ढोकामा निस्कँदै गर्दा मोबाइल नम्बर मागे र पटक–पटक फोन गरी मायाको नाटक गरे । ईशानीलाई फसाइसकेपछि कार्यालयमै कुट्न थाले । पहिले जागिर दिनेलाई धोका दिएर बुद्धनगरमा एक्रेटिभ मिडिया खोलेका छन् । यही कार्यालयमै उनले ईशानीलाई कुटपिट गरी घाइते बनाएका छन् । त्यहीँस्थित ह्याम्स अस्पतालमा उनको उपचार गरिएको थियो ।
फोन त केटी मान्छेले उठाएकी थिइन् नि!!
घरमा श्रीमती र छोरा भएका हरिले आफू अविवाहित रहेको ईशानीलाई बताएका थिए । हरि मदिराले लठ्ठ भई सुतेको बेला राति १ बजे ईशानीको फोन आयो । श्रीमतीले उठाइन् । ईशानीले को बोलेको भनेर सोध्दा यताबाट श्रीमतीले हु इज स्पिकिङ भन्नासाथ लाइन काटियो । भोलिपल्ट इशानीले राति फोन त केटी मान्छेले उठाएकी थिइन् नि भनेर सोध्नासाथ हरिले मेरो मामु हो, गाउँबाट आउनुभएको छ भनेर जवाफ फर्काए । यी सबै कुराको भेद तब खुल्यो जब हरिबाट पीडित इन्दु र ईशानीले पीडा साटासाट गरे । त्यतिबेला ईशानीले ओहो कस्तो राम्रो परिवार रहेछ, गाउँमा बसेर पनि अंग्रेजीमा बोल्न सक्ने भनेकी थिइन् ।rajesh hamal with hari pokhrelघरकी श्रीमतीलाई त कुटेर हैरान पार्थे नै । अहिले पनि इन्दुका मुहार तथा शरीरमा जे पायो त्यसले हानेर भएका घाउका खत छन् । त्यसैगरी उनले ईशानीलाई पनि पिट्न थाले । पाँचकोठा भएको कार्यालय लिएका उनले एउटा कोठामा आरामका लागि भनी खाटसहित राखेका छन् । त्यहीं ईशानीलाई हिर्काएर घाइते बनाए । दुव्र्यवहार र पीडा सहन नसकेपछि ईशानी भागेर ललितपुरस्थित घरमै गइन् । केही दिनपछि केटीको घरमै गई उनकी आमालाई जथाभावी गाली गर्दै मेरी श्रीमती हो, किन भेट्न दिन्नौ भनी हैरानी दिएपछि उनले प्रहरीलाई खबर गरिन् । त्यसबेला हरि १२ दिनसम्म ललितपुर प्रहरीको हिरासतमा बसे । इन्दूले नै गएर छुटाइन् ।

हरि अहिले सपनासँगै बस्छन् । सपनाले फेसबुकमा पूर्वीय संस्कारअनुसार श्रीमान–श्रीमतीको हैसियतमा रहको स्ट्याटस राख्दै आएकी छन् । बीस नपुगेका युवतीलाई सहजै पट्याउने र घरकी श्रीमतीलाई मार्ने धम्की दिने हरि (धम्कीका रेकर्ड प्रहरीमा पुगेको अस्ति दिनभर लैंगिक हिंसा गरेको उजुरी परेपछि कालीमाटी प्रहरी वृत्तमा बसेर बयान दिए) ।
राजेश हमालको नाम समेत भजाएर युवती फसाए
कान्तिपुर टेलिभिजनमा राजेश हमाललाई उभ्याएर क्विज म्यानिया चलाउँदै आएका उनले हमालको नामसमेत भजाएर युवतीहरूलाई फसाउने गरेको प्रधानमन्त्री कार्यालय, महिला आयोगलगायतमा परेको उजुरीमा उल्लेख छ । चाँदी रङको भल्क्सवागेन बा१०च ८५६३ नम्बरको कारमा हिँड्ने उनीसँग हरदम युवती हुने गर्छन् । यी युवतीको परिचय भने स्टाफका रुपमा हुने गरेको जेठ २० गते बुधबार जनआस्था साप्ताहिकमा खबर छ ।

Loading...

प्रतिक्रिया पठाउनुहोस्

( इमेल गोप्य राखिनेछ )

*

Enable Google Transliteration.(To type in English, press Ctrl+g)

Scroll To Top